وجالك قلب تنساني
وتجرح فيه من تاني
ياحتة في قلبي بنزعها ..ووجعاني
خلاص جرحك شفيت منه
فاإطمن ..ماعادش القلب يسهرلك يفكرلك
في كلمة تقربك مني
انا ماضي
انا اصبحت لك ذكري
وبكره اكيد هتتندم
ده يعني بعد ماتهدم قصور وهمك
انا كارهه خلاص صوتك
وجبروتك
زرعته ف نفس طارحه لك انانية وسوء نية
وقسوة قلب ماشفتش هنايا معاه
ووياه..كنت بخلص له
وبفرش له ضلوعي نذور
وبتدور برضه تخدعني
والفاظك بتوجعني
وكنت برضه بتحمل.. وبتجمل بكام بسمه
واقول قسمه
ياقسوة اتكونت راجل
انا آسفه
ماكنتش ليه يوم راجل
ويكفي..
اني سيبالك هناك ذكري
عشان تندم
عشان تندم علي قلبي
اللي يوم ساعك
وتعرف إنه دلوقتي خلااااص..
باعك
عشان تندم على قلبي اللي يوم ساعك
وتعرف انه دلوقتي
خلاص باعك
وتعرف ان صعب عليك تأيدني وتكسرني
واكبر نصره ليه عليك
بانك انت تحسرني
.......
نهى فهمي