ولإنك آخر نبضة ف قلب وريد
عناقيد الشوق
نبعها بيفيض
وبيملا براح العشق آهات
والقلب إن مات
وإن عدّت روحه سبع سموات
فأكيد هيعود
ويضم ورود اللهفة وعود
من جنة ونار
أسرار الحب حروف من نور
ورموشك باب وعيونك دار
والنبضة إن لفت ألف مدار
مكتوب هتبات وما بين رمشين
مش فارق فين
ولا ليه وإزاي
ولا إمتى ده كان
أو إمتى يكون
يا أمل منصان
يا ربيع مكنون
ملعون الخوف وإن عاش لسنين
ملعون ملعون
...........
محمد البنا