شايفك
وإنتي بتمحي
الحب ف قلبك كي بنار
وإنتي بتخنقي نبض وريده
بكوم أعذار
شايفك
و
الشوق شدّك لحنين عيني
ورعشة رمشي
وإنتي بتمشي ف عكس مسار
وبأقولهالك
صعب تقاوحي وصعب تكافحي
صعب العوم ضد التيار
فأرحمي قلبك مرة وسامحي
حبهُ لقلبي ماهوّاش عار
تخجلي منهُ ..أو ..تدينيه
عصبن عنه اتحب فحب
دقة وقابلت دقة قلب
لُقا لروحين
شمعة انقادت والليل عتمة
وضي نهاره ماهواش ضي
أرض شراقي وعطشى لري
بنظرة عين
فارحمي قلبك مرة وسامحي
جرحك جرحي
ليه هتخلي الجرح اتنين
..........
محمد البنا