ساكن في حي عشوائي
*مرجاوي مطراوي بولاقي
خدام حدا ولاد الباشا
*في فيلا في الحي الراقي
أنا اللي أزرع وبياكلو
*وعليا طبعا يتواكلو
*أخبز لعيش ولا اشوف شكله
*ماشوفش منه إلا بواقي
طول عمري سواق الهانم
*والمستشار أستاذ سالم
جاهل انا وهو العالم
*كرباجه دايما سواقي
طباخ طبيخي مفيش منه
*سمعتهم بيقولو عنه
*وأبنهم إبني ف سنه
*ماباكلش غير مش عتيقي
نجار صنايعي متين يابا
*لاعندي بيت ولابوابه
*ساكن في عشه في خرابه
*قاعد اصنع في سواقي
بتنعي حظي مع بختي
*واللي سبب همي ودوختي
*بكا العيال والنوح تختي
*شاربين المر وانا الساقي
أستاذ مدرس للعربي
*دارس كمان علمي وأدبي
*بلكونتي في الحي الشعبي
*ومنها ابص لأشواقي
لو تم عنده تعييني
في الجيش أو الخزف الصيني
*أخدم في بيته ويديني
*جنيه ويستني الباقي
بالفوطه أمسح عربيه
*وآخد بإيد بنت صبيه
*ولما تقدم جلابيه
*يرميها تنزل من فوقي
عشان آخدها واتشكر
*لاأبص فيها ولاافكر
*أشوفهادمي يتعكر
*واقول لنفسي اصحي وفوقي
وارجع لزوجتي كعابي
*هلكان وانا ف عز شبابي
*الجزمه دابت وشرابي
من ريحته داقت أخلاقي
تقول لي زوجتي أم أسامه
*يانهار سعيد ألف سلامه
وفيه علي وشي علامه
*منها يبان همي وضيقي
================
*مرجاوي مطراوي بولاقي
خدام حدا ولاد الباشا
*في فيلا في الحي الراقي
أنا اللي أزرع وبياكلو
*وعليا طبعا يتواكلو
*أخبز لعيش ولا اشوف شكله
*ماشوفش منه إلا بواقي
طول عمري سواق الهانم
*والمستشار أستاذ سالم
جاهل انا وهو العالم
*كرباجه دايما سواقي
طباخ طبيخي مفيش منه
*سمعتهم بيقولو عنه
*وأبنهم إبني ف سنه
*ماباكلش غير مش عتيقي
نجار صنايعي متين يابا
*لاعندي بيت ولابوابه
*ساكن في عشه في خرابه
*قاعد اصنع في سواقي
بتنعي حظي مع بختي
*واللي سبب همي ودوختي
*بكا العيال والنوح تختي
*شاربين المر وانا الساقي
أستاذ مدرس للعربي
*دارس كمان علمي وأدبي
*بلكونتي في الحي الشعبي
*ومنها ابص لأشواقي
لو تم عنده تعييني
في الجيش أو الخزف الصيني
*أخدم في بيته ويديني
*جنيه ويستني الباقي
بالفوطه أمسح عربيه
*وآخد بإيد بنت صبيه
*ولما تقدم جلابيه
*يرميها تنزل من فوقي
عشان آخدها واتشكر
*لاأبص فيها ولاافكر
*أشوفهادمي يتعكر
*واقول لنفسي اصحي وفوقي
وارجع لزوجتي كعابي
*هلكان وانا ف عز شبابي
*الجزمه دابت وشرابي
من ريحته داقت أخلاقي
تقول لي زوجتي أم أسامه
*يانهار سعيد ألف سلامه
وفيه علي وشي علامه
*منها يبان همي وضيقي
================
للشاعر ( ابن بيرم )