همسات عاشق ...بقلم / نور الدين

 

(1)
بلاش الرقة تبقى كتير
عشان باقلق ...

(٢)
بلاش خوفك عليا يزيد
عشان بازهق

(٣)
بلاش تتكسفي بزيادة
مجرد إيدي ما بترتاح
على كتفك

(٤)
بلاش تطفيلي نور خدك
بحمرة بتغلب المكياج
مجرد شعري ما يصرح
بإنك أجمل الحاضرين ،

(٥)
و لما المس بشوق إيدك
ماتسحبيهاش..
باكون تايه و محتاجلك

(٦)
بلاش تتصدمي
لو شفتيني كاتب يوم
عن ان البعد بيريح

(٧)
بلاش تفتكري
إن القسوة لو بانت
بتبقي انتي اللي مقصودة..
ساعات باقسى على نفسي
في صورة روحك اللي مصرة
ترسمني
ملاك عاشق تفاصيلك
ناقص جناحين

(٨)
بلاش تزيديني حنية
و انا قاسي
عشان اضعف

(٩)
بلاش تتوهمي إن الضعف
هايخليني دايما الين

عشان حنيتك تبقى
لجرحي "علاج" ،
إذا أخطأتي في الجرعة
بدال ما تداوي راح تفتح
مجال للنزف

..............

مذهل رحال