خُدينـي… ضُمِّينـي
وبحنانِــــــــك شبَّعينـــــــــــي
خبِّينـــــــــي… إحمينـــــــــي
ياأمــي ياضــي عينــــــــــــي
أنانِفسـي أرتـاح فى صِـــدرك
وأجـري وأهــرَب لِحُضنِـــــك
مــش لائــي بَعـــد حُبِّـــــــــك
إلِّلــي يـرحَــــــم أنينـــــــــــى
خُديني.ضُمِّيني.وبحنانِك شبَّعيني
مِحتـاج ليكـي ياأمِّـي
تشيلـي عنِّـي هَمِّـي
ومهمـا بِعدتـي عنِّـي
روحِـك عايشَـه في دمِّـي
وبنـادي كتيـر عليكـي
واحلـم أشـوف عينيكـي
وبكُـل شوقـي ليكـي
أتكلِّـم وتِسمعينـي
خُديني.ضُمِّيني.وبحنانِك شبَّعيني
عايـزأنـده بأعلـى صـوت
وأكسَـر صَـمت السكـوت
وأقـول الأم معنَـى
إزَّاي يانـاس يمـوت
دى الكِلمـه الحلـوه أمِّـي
وبنسَـى بيهـا هَمِّـي
لمَّـا بإيديهـا تِسَمِّـي
وتِمسَـح دَمـع عينـي
خُديني.ضُمِّيني.وبحنانِك شبَّعيني
---
نبيل نجاح