عِـرفت الحُزن من بَعـدِك
ومش قادِر علـى بُعـدِك
بَحلـم ياأمِّـي أكـون عَنـدِك
وامَلِّي عينـي نـور مِنِّـك
فى عيدِك كُنت بابكـي وأقـول
فراقِـك خـلاَّ حُزنـي يطـول
وبقول ياأمَّـي مِـش معقـول
أنـا حأقـدَرعلـى بُعـدِك
عِرفت الحُزن من بَعدِك
وعيـت عالدنيـا في أحضانِـك
ومَليتـي قلبـي بحنانِـك
ومعاني الحُب إللي ف روحـي
كانِـت ياأمِّـي علشانِـك
ياأمِّـي روحِـك حواليَّه
بتواسـي قلبـي وعنَيَّه
بناديهـا بحِنِّيـه
ومِش قـادِرعلى بُعـدِك
عِرفت الحُزن من بَعدِك
فى الجَنَّه ونعيمهـا يا أمِّـي
دى كُل نُقطـه مـن دَمِّـي
بتقـول يـارب صَبَّرنـي
وارحَم وإحسِـن إلى أمِّـي
صورتِـك جوَّايـا بتنـوَّر
وحُسنِك في قلبـي مِتصـوَّر
فـي وجدانـي وبيـدوَّر
على كُل ذكرَى ليـه عَنـدِك
عِرفت الحُزن من بَعدِك
---
نبيل نجاح