مصر ياللى حروف اسمك
عروق دهب عمره ماصدى
فوق الحجر منقوش رسمك
شافو التاريخ قام يتوضى
ياصاحبة اللقمه القمحه
كلك طيابه ومسامحه
ساعة الشدايد تلاقينى
شعلة نشاط عالى اللمحه
يا ام الدنيا يا ولَّاده
فيكى الادب نور وعباده
فى ايدين ولادك ميت همه
مسكو الحجر داب م الخضه
اهل الادب عنك قالو
شوقى ونديم صالو وجالو
وطه قال ويا العقاد
بيرم بيغزل مواله
اقلام كتير تشهد ليكى
ونجيب بيوصف حواريكى
وبكره كتير احفاد جايين
توصل تاريخك بموده
مصر ياللى حروف اسمك
عروق دهب عمره ما صدى
.....
سيد مرسي