ومَا بنعرَفش نِبقى احنا
فَبِنخاصِم فِ أرواحنا
فلا بنخطَف خُيوط ضِحكة
ولا بنشكي الِّلى جارِحنا
بِنِنسَى الجَرح ونسامِح
فانِرجَع نِنْجِرِح تاني
وتِتْكَسَّر حاجات فِينا
نعيش بالكَسر ونعاني
ما بين كلمة بِتِطرَح شُوك
وناس فَكَّرتُهُم حَبُّوك
فَباعوا الود والعِشْرَة
ولَمَّا افْتَكَرُوا يوم نِسْيُوك
وكل عتابْنا عَ الأيام
وشاريين لَمْ سَألنا بكَام
ومَدِّينا الإيدين يَامَا
ما رِجعِت حَتَّى يوم بِسلام
وخايفين نِبقى يُوم مِنْهُم
فَنِكْرَه نِتْسِإل عَنْهُم
نبيع بالرُخْص كَمَا باعوا
ونعمِل رُوحنا ناسْيِنْهُم
فَمابنِعرَفْش
وشِئ جُوَّانا بِيْعافِر
يِقُول مَا اقْدَرش
ويفْضَل كُل ما فِينا
عَلى مَاهُو
ما يِتْغَيَّرش
.........
فهمي علي