ولما الشمس تتحنى
ويبقى خدها بلون خدك الوردى
وانا وانتى على الكرنيش
وزى الطير ما عاش بنعيش
إذا نسمة هوى مرت على قلبي
تبوس قلبك يا إمّا ما تعديش
وانا قلبي رحاب للناس
رحاب للطير
سنابل قمح يلقطها قوام ويطير
ولما الشمس تتحنى
وييجى اليوم وانا وحدي
على الكرنيش
ولون النهر متغير
وألوانه ما تعرفنيش
ويسألني عليكى الموج
وكام قارب شافوكى ف يوم
ضحكتي لهم:حبيبتك فين؟
وليه غايبه كدا ما تجيش
كمان سمعه بتاع الترمس اتأثر
وحتى الترمس الأصفر
بهت أكتر
وحسيته زعل مني
وقام قال لي :
مدام وحدك ما تاكلنيش
ولما الشمس تتحنى
ويبقى الحزن فستانها
بحس الدنيا وخداني وشداني
لكام محنه
تشوفيني تلاقيني كناري حزين
وبيهفهف وبيرفرف وحيد مسكين
وبيغني وجوه القلب كام سكين
وكل الخلق بتعدي
وابات دمعي على خدي
مدام وحدي
.....
السيد جلال