و لسه ببص فـ الساعة
و ببكي ع إللي عدا و فات
ما بين عصيان و بين طاعة
ما بين أحياء و بين أموات
صحيح النفس طماعة
بتوهمني بحب الذات
فـ ليه و إشمعني أنا بالذات
أكون مذنب و أكون عاصي
و حاطط فـ التراب راسي
يا رب الأرض و السماوات
إغسل قلبي و إعصمني
و إقبل قلبي فـ التوبة
سنين و عيوني معصوبة
و ماشي كام طريق مشبوه
أنا خايف يا رب أتوه
و عارف رحمتك واسعه
و أديني فـ دنيتك بسعى
أنا قلبي مليه الخوف
حقيقي يا رب أنا مكسوف
أنا نفسي أحج و أطوف
و أغسل همي بدموعي
و يبقي ضميري ع المكشوف
....
بقلم .. مصطفي تيسير