يوم مولد المصطفي هل الصفا ع الكون
والدنيا يوم مولده بان سعدها المكنون
ياآمنه أبشري يوم م اتولد أحمد
يتيم وهو النبي بيه النجاه هتكون
----------------------
يوم مولدك يانبي يوم سعد أمتنا
ياخاتم الأنبيا للحق لميتنا
وأمرتنا بالشهاده إن الإله واحد
وإنك رسوله وهتشفع بكره في آخرتنا
--------------------------
في عام ولادتك علامه ربي حما الكعبه
م الفيل ومن أبرهه وجنود كانت صعبه
جايين عشان هدمها وجدك ياطه قا
أما الإبل ملكي انا وفيه رب للكعبه
-------------------------------
والفرس نارها إنطفت وكمان إيوان كسرى
لأن نورك ظهر وعمت البشري
مانت النبي لاكذب شرح الإله صدرك
رفعك إلي المنتهي في ليلة الإسرا
-----------------------
بالصدق مين إشتهر بين البشر غيرك
أما الأمانه شعار معروف من سيرك
نبي عظيم الخلق مولي عظيم رباك
ومدام إله يحفظك مين اللي هيضيرك؟
----------------------------
ياخاتم الأنبيا ياطه يامختار
لما هجرت البلد إستقبلك أنصار
ويثرب إتشرفت يانبينا بقدومك
وغنوا بدر وطلع علينا عز نهار
-----------------------
مين إشتكي له الجمل وبيده الحصي سبح
مين اللي قبلك سُأل من ربه ألم نشرح
غيرك ياخير البشر ياإبن عبدالله
وف سدرة المنتهي كان له هناك مطرح
------------------------------
الجزع لاجلك بكي يامصطفي بأنين
وسمعه كل الصحابه في مسجدك ياأمين
كفك يازين هدهده ووعده بالجنه
ولاجل خاطرك هدي لما بقيت له ضمين
--------------------------
الشاه قالت لك بلاش ياطه تاكلني
سموني أهلي هنا قبل اما توصلني
عايزين أذاك يانبي والمولي لك حافظ
ياللي ف حما ربنا للجنه وصلني
---------------------------
صلوا علي المصطفي ياسامعين القول
في سيرة المصطفي الشرح والله يطول
صلي عليه ربنا قبل البشر بزمان
وياريت كلامنا يكون عند الكريم مقبول
...............
ابن بيرم