أجمل حاجة فى المرأة
لاهى عنيها ولا إيديها
ولا خدودها ولا ورودها
ولا من دى حاجات فارقة
أجمل حاجة فى المرأة
تلملم دمعتى بشوييييييش
وتسكرنى بعناقيدها
وتفرد حضنها كورنيش
وانا روحى ف ظروف طارئة
دا أجمل حاجه فى المرأة
تراعينى وتاخد بالها من عينى
وتلحقنى فى وسط الناس
بهمسة ونظرتين سرقة
دا أجمل حاجه فى المرأة
عتابها الناعم المشتاق
ولما الآهه تتمكن تكون ترياق
تلوم روحها وانا الغلطان
تخلينى أبوء بالذنب والحرقة
دا اجمل حاجه فى المرأة
تخليلى الحياة ألوان
وتزرعلى الهدوء فدان
وضحكتها تكون خضرا
لاهى صفرا ولا زرقا
دا أجمل حاجه فى المرأة
تناقشنى وتقنعنى
ولما اكون انا الغلطان وإيه يعنى
تدلعنى
وتستحمل شخابيطى
ولما ابقى قلم طايش
تكون هيه ميتين ورقة
دا أجمل حاجه فى المرأة
قصيدة تنكتب فيها
وهيه اللى تهادى الشعر
بحروفها ومعانيها
وانا اقولها على مسمع على مرأى
دا أجمل حاجه فى الدنيا
وجود مرأة
لاهى عنيها ولا إيديها
ولا خدودها ولا ورودها
ولا من دى حاجات فارقة
أجمل حاجة فى المرأة
تلملم دمعتى بشوييييييش
وتسكرنى بعناقيدها
وتفرد حضنها كورنيش
وانا روحى ف ظروف طارئة
دا أجمل حاجه فى المرأة
تراعينى وتاخد بالها من عينى
وتلحقنى فى وسط الناس
بهمسة ونظرتين سرقة
دا أجمل حاجه فى المرأة
عتابها الناعم المشتاق
ولما الآهه تتمكن تكون ترياق
تلوم روحها وانا الغلطان
تخلينى أبوء بالذنب والحرقة
دا اجمل حاجه فى المرأة
تخليلى الحياة ألوان
وتزرعلى الهدوء فدان
وضحكتها تكون خضرا
لاهى صفرا ولا زرقا
دا أجمل حاجه فى المرأة
تناقشنى وتقنعنى
ولما اكون انا الغلطان وإيه يعنى
تدلعنى
وتستحمل شخابيطى
ولما ابقى قلم طايش
تكون هيه ميتين ورقة
دا أجمل حاجه فى المرأة
قصيدة تنكتب فيها
وهيه اللى تهادى الشعر
بحروفها ومعانيها
وانا اقولها على مسمع على مرأى
دا أجمل حاجه فى الدنيا
وجود مرأة
........
حمدي موسى