إسمحيلى إنى احاول
بس احاول
قلبى فيه الحزن نازل بالمعاول
ناوى انه يهد قلبى دقة دقة
والجدار الصلب فاضل منه زقة
فاسمحيلى بالمحاولة
كل شئ حوالينا قاتم
لحننا معزوف على نوتة مآتم
ياللى فيكى الحزن لولى
والأمل أخضر طفولى
والأمانى فى صباع الحلم خاتم
بعشقك مفيهاش مناقشة
قلبى متحنى بعيونك
روحى منقوشة بشجونك
نقشة نقشة
أرضنا من غيربداية
نحلنا من غير غسل
أى حب يكون حقيقى مصيره معروف الفشل
ولأنى حبيتك صحيح
غيرت شكل الحب فى العصر الحديث
خدت صورة عشق قيس وعشقتهولك
بزيادة السرعة مع الأحاسيس
حب غالى زى ماتقولى كدا فيه الأمل
هوه البصيص
بعشقك والحب كلمة فى زمان العلم تافهه
مش مؤدية الغرض
فابتديت اعمل عشانك مفردات بره الكلام
يعنى لو عاوز اقولك بعشقك
يبقى اصلى الفجر حاضر
يعنى لو نفسى المسك
يبقى اعمل عمرة ليكى
تبقى إزارى والرداء
يا زمزمى
ياربة الخير والنماء
بعشقك فن وحضارة هرم ونيل
بعشقك واجمل ما فيكى المستحيل
بعشقك حرية من حق العبيد
والعالم اللى ميعترفشى بحبنا
عالم عديم الاصل مجهول الدماء
وجميع مواثيق الهوى
حررت كل القلوب من أى قيد
ولأننا م العالم التالت يادوب
متخلفين فى الحب عن كل الشعوب
دربونا ننسحب م الحب من أقرب طريق
وعلمونا الف خطة للهروب
غصب عنى بحاول اهرب
غصب عن قلبى باجرّب
رغم انك فيا دولة
وانى اجاهد فيكى أولى
بس علشان العادات
والكلام اللى مالوهشى أى دعوة باللغات
اسمحيلى بالمحاولة
بس احاول
قلبى فيه الحزن نازل بالمعاول
ناوى انه يهد قلبى دقة دقة
والجدار الصلب فاضل منه زقة
فاسمحيلى بالمحاولة
كل شئ حوالينا قاتم
لحننا معزوف على نوتة مآتم
ياللى فيكى الحزن لولى
والأمل أخضر طفولى
والأمانى فى صباع الحلم خاتم
بعشقك مفيهاش مناقشة
قلبى متحنى بعيونك
روحى منقوشة بشجونك
نقشة نقشة
أرضنا من غيربداية
نحلنا من غير غسل
أى حب يكون حقيقى مصيره معروف الفشل
ولأنى حبيتك صحيح
غيرت شكل الحب فى العصر الحديث
خدت صورة عشق قيس وعشقتهولك
بزيادة السرعة مع الأحاسيس
حب غالى زى ماتقولى كدا فيه الأمل
هوه البصيص
بعشقك والحب كلمة فى زمان العلم تافهه
مش مؤدية الغرض
فابتديت اعمل عشانك مفردات بره الكلام
يعنى لو عاوز اقولك بعشقك
يبقى اصلى الفجر حاضر
يعنى لو نفسى المسك
يبقى اعمل عمرة ليكى
تبقى إزارى والرداء
يا زمزمى
ياربة الخير والنماء
بعشقك فن وحضارة هرم ونيل
بعشقك واجمل ما فيكى المستحيل
بعشقك حرية من حق العبيد
والعالم اللى ميعترفشى بحبنا
عالم عديم الاصل مجهول الدماء
وجميع مواثيق الهوى
حررت كل القلوب من أى قيد
ولأننا م العالم التالت يادوب
متخلفين فى الحب عن كل الشعوب
دربونا ننسحب م الحب من أقرب طريق
وعلمونا الف خطة للهروب
غصب عنى بحاول اهرب
غصب عن قلبى باجرّب
رغم انك فيا دولة
وانى اجاهد فيكى أولى
بس علشان العادات
والكلام اللى مالوهشى أى دعوة باللغات
اسمحيلى بالمحاولة
.........................
حمدي موسى