وحبيتك كمان اكتر من امبارح
عشان جدر الغرام سارح
وقلبى خصيب
بيطرح حب بالهمسة وباللمسة
وبالترغيب وبالترهيب
بيطرح حب فى كل الفصول على طول
عشان مروى عسل وحليب
يا ورد القلب يا زهرة لهيب الشوق
بحبك وانتى فرحانه واحبك وانتى زعلانة
نهار قلبك نهايته شروق
واحبك وانتى ويايا واحبك لما بتسافرى
زمان حبك أمان وهدوء
يا نيل قلبى يا كعبة روحى يا أجمل آثار الكون
انا قلبى اتخلق ليكى ومات فيكى بكن فيكون
يا نور عينى بحب ازعل اوى منك
عشان تيجى تصالحينى
أنا الولهان وتايه فى أراضيكى
عشان عنوانى فى حضنك
ووطنى بين اياديكى
حواسى الخمسة فى رضاكى
وحلمى كله وياكى
انا عشقى ولا الفارس ولا المجنون
انا فى العشق شئ تانى وشئ نادر
لدرجة انى مش قادر أكون موزون
أنا راهب فى محرابك
وانا سائل على بابك
وحارس طرف جلبابك
بسيف العاشق المفتون
وبكره هعشقك اكتر
وبعده هعشقك اكتر
مفيش طيب ... وآخرتها؟
أموت عاشق
ولا اموت ملعون؟
عشان جدر الغرام سارح
وقلبى خصيب
بيطرح حب بالهمسة وباللمسة
وبالترغيب وبالترهيب
بيطرح حب فى كل الفصول على طول
عشان مروى عسل وحليب
يا ورد القلب يا زهرة لهيب الشوق
بحبك وانتى فرحانه واحبك وانتى زعلانة
نهار قلبك نهايته شروق
واحبك وانتى ويايا واحبك لما بتسافرى
زمان حبك أمان وهدوء
يا نيل قلبى يا كعبة روحى يا أجمل آثار الكون
انا قلبى اتخلق ليكى ومات فيكى بكن فيكون
يا نور عينى بحب ازعل اوى منك
عشان تيجى تصالحينى
أنا الولهان وتايه فى أراضيكى
عشان عنوانى فى حضنك
ووطنى بين اياديكى
حواسى الخمسة فى رضاكى
وحلمى كله وياكى
انا عشقى ولا الفارس ولا المجنون
انا فى العشق شئ تانى وشئ نادر
لدرجة انى مش قادر أكون موزون
أنا راهب فى محرابك
وانا سائل على بابك
وحارس طرف جلبابك
بسيف العاشق المفتون
وبكره هعشقك اكتر
وبعده هعشقك اكتر
مفيش طيب ... وآخرتها؟
أموت عاشق
ولا اموت ملعون؟
..........
حمدي موسى