كان غيرك أشطر .....قصيدة بقلم الاستاذ / جابر الشوربجي

أطيب السنين

ع الناس الكويسين

واللي غير ذلك

يشرب م البيسين

وعم النحفانين

نقوله كل سمين ...

واللي كل سمين

يمشي ع الرجلين ....

و اللي ليه مرتين

يرقع بالصوتين ...
واللي ما اتجوزشي .

.ألوان المر ماشافشي
واللي ما خلفشي .

حقه ما يزعلشي ..

. عند الواد ما يكبر ..

.بيشلفطلي وشي ...

تف يا واد على ابوك ...

واوعى يحسدوك ..

أصل الواد ده لقطة ..

وأبوه كات أمه بطة.. .

العيل و الولية ...

نازلين فيك تربية ...

تقوله تاتا تاتا ...

يديك اتنين تلاتة ....

ان قولت عيب يا واد ...

يوروك السواد
وجارتك أم بهانة ...

عاملة فيها غلبانة
لسانها و لا فرقلة ...

لامة عليك الشلة ...

هاتعمل إيه يا صاحبي ...

و تكتم ليه وتخبي
عيش و ماتفكرشي ..

و سيب المركب تمشي
ده ربك اللي خالقنا

والدنيا فيها نصيبنا.

و مهما تقول وتعيد ...

ولا الهلالي أبو زيد
ماحد راح يسمعلك

ولا بر راح يتباعلك
سيبها للي خالقك ..

. واتبع اللي قبلك
قول يا رب يا باسط

هاتلاقي الدنيا هاصت
وسيبك م القضية ..

ومناكفة الولية ...

وعيال تقل قيمتك ...

وجارة تجيب في سيرتك
...........
أقولك ع الصراحة ؟؟..

النون دي نون سفاحة
وعيال آخر بجاحة ...
واجري يا عمي اجري ...

الشعر شاب من بدري ...
والنومة ع السلالم ...

ربك بيها عالم
و مهما الواد هايكبر .

. كمان عليك يتجبر

هايلقى نفسه يوم ...

الاخضر عوده أصفر
و يعرف انه دين

في الرقبة واللي يغدر
و مهما كنت عنتر ..

ربك لينا يستر
و مهما كنت شاطر ..

تلاقي غيرك أشطر

……………………..
  جابر الشوربجي