القصيدة
عاوزة تشرب
مننا شوية حنان
عاوزة حبه من الشقاوه
عاوزة قنطار م الجنان
القصيده
عاوزة تفجير انتحاري
عاوزة تسجيل ف العقاري
عاوزة تهرب من قراري
عاوزة توصل للعنان
القصيده
عاوزة منك توب مخلط
حته من صوف الحياه
خيط من الموصول ب آه
سوسته من قلب النجاه
جيب علي الحب ال كان
القصيدة.
طالبه رحمه
مقصله تخلص جراحها
ينكتب من نيل صراخها
ألف لااا
القصيدة
شايفه منا
إننا كنا و هنا
و اما يبقي الجرح سنه
الصلا تجوز ع ال خان
القصيدة
مش إهانه
و لا يبقي الدمع دانه
تتسطل منها الخيانه
ما احنا مش طالبين إعانه
إحنا طالبين اﻷمان
القصيده.
جه آخرها
كترت فالله يعينها
حددت آخر مصيرها
إنه حي علي اﻹيمان
.........
جهاد زياده