وشك.....
نايات بتعزف فوق كتافك
تتنفض أوصافك
يسن الجرح فى سنانه
تسكن آهاته أطيافك
اضحك .. وخليك ساهل
ماعدش حد يستاهل
لساك بتتهجا العشق يا جدع
لساك ف الغرام جاهل
وتستاهل
لانك مصدق عيون
متكحله بالكدب والحواديت
ودموع ما تعرف بُكا
والقلب نبضه حديد
وضحكه مغشوشه
ف ألف كف وإيد
لم اللى باقى من عمرك
واقفل عليك الباب
الشط بحره نشف
من قلة الاحباب
والبدر لونه انطفا
لمَّا الوفا غاب
شايف سنينك
فوق الرصيف
مسنوده ع العكاز
والحلم ضهره انكسر
أصلك يا حلم إزاز
أصلك يا جدع طيب
والقلب فيك حساس
تعالى هنا جنبي
اشرب معايا الشاى
واقلع وشوش الماضى
واستنى بكره الجاي
واوعى تعشق تانى
واكسر معايا الناي
.....
سليمان خطاب