تفاصيل...بقلم الشاعر / عبدالله أبوسعدة الإسناوى

  

                     مفتتح:- 

 من ميلادى وأصلى جبطى

 أوجبطى كلمة ف المعاچم الجديمة

 بمعنى مصرى..

ييجى مصرى بمعنى جبطى

 أوكل جبطى..

 هوه مصرى..

 وإن سألتم ع الأسامى

 راح تلاجوا الكل سامى

 تلجوا أحمد أو محمد

وللا مينا أو ميلاد

 م الميلاد..

 راح تلاجوا ف الحجيجة الكل سامى

 إنو مصرى

.................................

                  قصيدة

 وإكمنى عاشج للتفاصيل

 حالف لأميل..

 وأغوص چواكى يمكن ألتجى سر إلغرامك

 بمحرابك..

 باجضى العمر بتعبد

 وبأتعمد..

 فى مية نيلك الصافى

 ومجدافى..

 سنابل خيرك القمحى

 عشان أمحى..

 ضلام ليلك..

 وأغنيلك على فاسى وأجول موال

 وأچيب الشال بلون أخضر

 وأتمخطر..

 وأنا شايل زكايب خيرك الطراح

 وأجيم أفراح..

تلم الحالة والعمة ميتين ليلة

نكون عيلة..

 بتتباهى بكل صبية بتزغرط من الفرحة

 وأچيب طرحة..

 وأزينها بعود الچاوى والحنة

 مافيش محنة..

 تكون ريحنا..

 ماهو ريحنا..

 عبيرو البلسم الشافى

 وكل عليل بيتعافى..

 على كتافى باشيل حملك

 وأنا حاملك..

 فى من العين أنا حاملك

 ماهو اللى جاريلى

 ماهوش منك..

 عشان إبنك 

 وراضع منك الترياق

 بادوب مشتاق..

 أغوص من تانى چواكى

 ياأمى ويمكن ألجاكى

 صبية عفية من تانى

............

عبد الله أبو سعده الإسناوي