وبيفتح على خدودك
صباح المسك والنعناع
بيتمايل على عودك
طلع فجرى ما بين رمشك
وبين كحلة أمل طارح
ينسينى شقا سنينى
ووجعة قلب كان سارح
وشفت عنيكى تتبسم
وقلم الروج صابح يرسم
فى كلمة حب بالألوان
على شفايفك
ما انا عارفك
برغم البعد والمسافات
باكون حاسك
باكون شايفك
وبارمى همومى على كتفك
وبانسى معاكى آهاتى
ووجعى بكرة و امبارح
بيوجع قلبى م النجمة
لقيتك فى الضلام نجمة
تنور لى طريق عمرى
تعالى يا حتة من قلبى
نطبطب بالكفوف مرة
على وجعك
على وجعى
وننسى الآاه مع المـُـرّة
تعالى واغزلى توبك
على مقاسى
تعالى ضفرى شعرك
بشريانى وإحساسى
يا حسانى
يا واخدانى
لعالم خالى م الأحزان
ميلادى كان على إديكى
رسمتى الفرحة على قلبى
بريشة حب من رمشك
وكات أروع من الفنان
تعالى كملى رسمك
وعدى بخطوة الأحلام
على عمرى
تعالى كملى عمرى
وقاسمينى
سنينى الجايةبالفرحة
ونسينى هموم جارحة
يا أحلى تاريخ فى أيامى
صباح العيد
صباح صافى
و نتلاقى بشوق دافى
بدون مواعيد
...............
بــقــلــــــم ا لـــشـــــــا عـــــــــر
أ بـــــو عـــمـــــــا ر ا لـــمــــصـــــــــــر ى