أحلف لك اننا .. بنى آدمين...الشاعر على جامع

_{*******************}

_{وهم وتضليل وغنا وسخافات
والحاضر هـــو بعينه مافات
والصفـــر اتـــزّين لوصولنا
رايحيين له بشوقنا وبفضولنا
أقصـــــــد بفضول المتبنى
اللى احنا سمحناله يغـــنـّى
انا كنت باظن وخاب ظنـّى
ان احنا هانوصل لهــــــدفنا
ليه بتخلينا يـــاشيخ نندم ؟!
على شحن حناجر بهتافنا
ليه هاتضيعها وايـــــــــانا
وتصلى عليها صلاة المـــــــوت
الكرسى دا مش كرسى الملكوت
ولاعدنا عبيد ولافيه أسياد
فيه 1000 بيعلنوا قدرتهم
تحويل النار فى الحال لرماد
الكهربا ترجع تراودنا
والحب يعمّر موالــــدنا
ولا تبقى مشاكل فى البننزين
والغلّه هاتشبع حــــــــــــريه
مش حبس ف صومعة التخزين
انمـــّــــا وياك ويا عمايلك
كلها هاتقول يقطعها سنين
ليه ماتفكرش ف معاناتنا
مع اننا ياخـــى ..
بنى أدمين}