بحبك كلمة محروقة وشبعت عك
ف فكك منها متقلهاش في غيرك فك
ودور ليك علي كلمة تكون صادقة
وبطل كدب أحسن لك وبطل لك
و دور في الحروف يمكن تلاقي مراد
أكيد هتلاقي مقصودك في لغة الضاد
ولو مقدرت توصفها بكلمة حب
أكيد هتحس بشعورك بلغة القلب
ومش هتقول عليك مغرور ولا تعاتبك
كلام الحب بقي موضه قديمة خلاص
ودلوقتي كلام تاني ف لسان الناس
فقول فيها كلام مدهون بلون إحساس
بسرعة ترد بالإحساس علي قلبك
كفاية للقلوب تشعر ببعضيها
عشان الدنيا ما تساعشي حبيب فيها
لان الحب دا حكاية وفيها الشوق مكفيها
ويكفي تقول لمين حاسه .. أنا جنبك
بحبك كلمة شارلستون وفضفاضة
وشعر كنيش وياقة كبيرة وبيادة
وكوز درة مشوي أو ترمس وقاعدة نيل
ونظره لعينها وبترسم تقول يا جميل
انا عاشقك بدون تفاصيل معتادة
ما تيجي نغير الاحساس بكلمة مش
ونمسح من قاموس الحب معني الغش
نبدل ضحكة الأحباب بلوية وش
ونتلاقي .. ما نتكلمش
ونتلكك لبعضينا ونتمادي
حبايب بس مشاعرنا جديد × جديد
لا بنسبل ونتسهوك ولا مواعيد
ولو تقابلني يوم صدفة محدش فينا يبقي سعيد
وانسي ف يوم تجيب لي عصير ولا اجيبلك
وخلي القهوة وحياتك تكون سادة
..................
هاني عبد الوهاب
أكيد هتلاقي مقصودك في لغة الضاد
ولو مقدرت توصفها بكلمة حب
أكيد هتحس بشعورك بلغة القلب
ومش هتقول عليك مغرور ولا تعاتبك
كلام الحب بقي موضه قديمة خلاص
ودلوقتي كلام تاني ف لسان الناس
فقول فيها كلام مدهون بلون إحساس
بسرعة ترد بالإحساس علي قلبك
كفاية للقلوب تشعر ببعضيها
عشان الدنيا ما تساعشي حبيب فيها
لان الحب دا حكاية وفيها الشوق مكفيها
ويكفي تقول لمين حاسه .. أنا جنبك
بحبك كلمة شارلستون وفضفاضة
وشعر كنيش وياقة كبيرة وبيادة
وكوز درة مشوي أو ترمس وقاعدة نيل
ونظره لعينها وبترسم تقول يا جميل
انا عاشقك بدون تفاصيل معتادة
ما تيجي نغير الاحساس بكلمة مش
ونمسح من قاموس الحب معني الغش
نبدل ضحكة الأحباب بلوية وش
ونتلاقي .. ما نتكلمش
ونتلكك لبعضينا ونتمادي
حبايب بس مشاعرنا جديد × جديد
لا بنسبل ونتسهوك ولا مواعيد
ولو تقابلني يوم صدفة محدش فينا يبقي سعيد
وانسي ف يوم تجيب لي عصير ولا اجيبلك
وخلي القهوة وحياتك تكون سادة
..................
هاني عبد الوهاب